ਸੂਖਮ ਯੰਤਰ ਕੇਂਦਰ (Sophisticated Instruments Centre) http://SIC.punjabiuniversity.ac.in

ਵਿਭਾਗ ਬਾਰੇ ਜਾਣਕਾਰੀ

ਸੂਖ਼ਮ ਯੰਤਰ ਕੇਂਦਰ (ਐਸ.ਆਈ.ਸੀ.) ਦੀ ਸਥਾਪਨਾ 2012 ਵਿੱਚ ਲਾਈਫ ਸਾਇੰਸਜ਼, ਮੈਡੀਕਲ ਸਾਇੰਸਜ਼ ਅਤੇ ਫਿਜ਼ੀਕਲ ਸਾਇੰਸਜ਼ ਦੇ ਖੇਤਰ ਵਿੱਚ ਖੋਜ ਦੇ ਕੰਮ ਲਈ ਜ਼ਰੂਰੀ ਅਤੇ ਮਹੱਤਵਪੂਰਣ ਸੁਵਿਧਾ ਵਜੋਂ ਕੀਤੀ ਗਈ ਸੀ । ਵੱਖ-ਵੱਖ ਵਿਗਿਆਨਕ ਯੰਤਰਾਂ ਦੇ ਨਵੀਨਤਮ ਮਾਡਲ ਜਿਵੇਂ ਸਕੈਨਿੰਗ ਇਲੈਕਟ੍ਰੋਨ ਮਾਈਕਰੋਸਕੋਪ (ਐਸ. ਈ. ਐਮ.), ਐਚ. ਪੀ. ਟੀ. ਐਲ. ਸੀ, ਫਲੈਸ਼ ਕ੍ਰੋਮੈਟੋਗ੍ਰਾਫੀ, ਰੀਅਲ ਟਾਈਮ ਪੀ.ਸੀ.ਆਰ., ਥਰਮੋ-ਸਾਈਕਲਰ, ਜੈੱਲ ਇਲੈਕਟਰੋਫੋਰੈਸਿਸ, ਜੈੱਲ ਡੌਕ ਸਿਸਟਮ, ਆਟੋਕਲੇਵ, ਅਲਟਰਾ-ਸੈਂਟਰੀਫਿਊਜ਼, ਅਲਟਰਾ-ਫਰੀਜ਼ਰ (-80 ਡਿਗਰੀ), ਸਪੈਕਟਰੋਫੋਟੋਮੀਟਰ, ਸਪੈਕਟਰੋਫਲੋਰੋਮੀਟਰ, ਲਾਇਓਫਿਲਾਈਜ਼ਰ ਅਤੇ ਫਲੋਰੇਸੈਂਟ ਮਾਈਕ੍ਰੋਸਕੌਪ ਆਦਿ ਐਸ. ਆਈ. ਸੀ. ਪ੍ਰਯੋਗਸ਼ਾਲਾਵਾਂ ਵਿੱਚ ਸਥਾਪਿਤ ਕੀਤੇ ਗਏ ਹਨ। ਐਸ.ਆਈ.ਸੀ. ਦੀ ਇਮਾਰਤ 11 ਵੀਂ ਪੰਜ ਸਾਲਾ ਯੋਜਨਾ ਦੇ ਦੌਰਾਨ ਯੂ.ਜੀ.ਸੀ. ਤੋਂ ਮਿਲੀ ਗ੍ਰਾਂਟ ਦੇ ਨਾਲ ਮੁਕੰਮਲ ਕੀਤੀ ਗਈ ਸੀ। ਇਸੇ ਤਰ੍ਹਾਂ ਐਸ. ਈ. ਐਮ. ਨੂੰ ਵੀ ਯੂ.ਜੀ.ਸੀ. ਤੋਂ ਪ੍ਰਾਪਤ ਗ੍ਰਾਂਟ ਦੇ ਨਾਲ ਖਰੀਦਿਆ ਗਿਆ ਸੀ। ਜ਼ਿਆਦਾਤਰ ਹੋਰ ਯੰਤਰ ਲਾਈਫ਼ ਸਾਇੰਸਜ਼ (DBTIPLS-102 / IFD / SAN / 4650 / 2011-2012) ਵਿਚ ਇੰਟਰਡਿਸੀਪਨੇਰੀ ਪ੍ਰੋਗਰਾਮ ਦੇ ਤਹਿਤ ਡੀ. ਬੀ. ਟੀ. ਤੋਂ ਗ੍ਰਾਂਟ ਨਾਲ ਖਰੀਦੇ ਗਏ ਹਨ। ਐਸ.ਆਈ.ਸੀ. ਦੇ 19 ਕਮਰੇ ਹਨ ਜਿਨ੍ਹਾਂ ਵਿੱਚ ਸੈਮੀਨਾਰ ਕਮਰਾ, ਕੰਪਿਊਟਰ ਪ੍ਰਯੋਗਸ਼ਾਲਾ, ਸਟੋਰ ਰੂਮ ਅਤੇ ਨੌ ਲੈਬਾਰਟਰੀਆਂ ਸ਼ਾਮਲ ਹਨ, ਜੋ ਪੂਰੀ ਤਰ੍ਹਾਂ ਏਅਰ ਕੰਡੀਸ਼ਨਡ ਹਨ ਅਤੇ ਇਹਨਾਂ ਵਿਚ ਸਾਰੀਆਂ ਬੁਨਿਆਦੀ ਸਹੂਲਤਾਂ ਹਨ। ਕੇਂਦਰ ਵਿਚ ਇਕ ਪਥਰਾਟ ਮਿਊਜ਼ੀਅਮ ਸਥਾਪਿਤ ਕੀਤਾ ਗਿਆ ਹੈ ਜੋ ਬਹੁਤ ਸਾਰੇ ਸੈਲਾਨੀਆਂ ਨੂੰ ਆਕਰਸ਼ਿਤ ਕਰਦਾ ਹੈ।

ਉਦੇਸ਼

ਕੇਂਦਰ ਦਾ ਮੁੱਖ ਉਦੇਸ਼ ਯੂਨੀਵਰਸਿਟੀ ਦੇ ਖੋਜ਼ਾਰਥੀਆਂ ਲਈ ਵੱਧ ਤੋਂ ਵੱਧ ਵਿਗਿਆਨਕ ਸਹੂਲਤਾਂ ਉਪਲੱਬਧ ਕਰਵਾਉਣਾ ਹੈ ਤਾਂ ਕਿ ਉਹ ਆਪਣੇ ਪ੍ਰਯੋਗਿਕ ਕੰਮ ਨੂੰ ਡਾਟਾ ਦੇ ਰੂਪ ਵਿੱਚ ਵਧੀਆ ਗੁਣਵੱਤਾ ਨਾਲ ਤਿਆਰ ਕਰ ਸਕਣ। ਇਹ ਉਹਨਾਂ ਨੂੰ ਆਪਣੇ ਖੋਜ ਕੰਮ ਤੋਂ ਡਾਟਾ ਤਿਆਰ ਕਰਨ ਲਈ ਅੰਤਰਰਾਸ਼ਟਰੀ ਪੱਧਰ ਤੇ ਮੁਕਾਬਲਾ ਕਰਨ ਦੇ ਯੋਗ ਬਣਾਉਂਦਾ ਹੈ।